கனவின் நிறம்

என்
கனவுகளுக்கு வண்ணம் பூச
விரும்புகிறேன்


யாரும் கண்டிராத
கற்பனை செய்திராத
தூரிகை வைத்திருக்கின்றேன்

என் சிந்தை
பட்டாம் பூச்சிபோல் பல
வண்ணங்களால் நிறைந்துள்ளது

முத்தம் தெரியாத குழந்தையின் உதட்டில்
தம்
கன்னத்தை ஒற்றி விட்டு
அப்பாவும் அம்மாவும் சேர்ந்து ஆர்ப்பரிக்கும்
காட்சிபோலானது

அதில் இருந்து ஒரு வாத்தையைக்
களவெடுக்கப்போகின்றேன்
ஆனாலும் அதை
காட்சிப்படுத்தப் போவதுமில்லை

என் கனவின்கரு எண்ணற்ற
எண்ணக்கிறுக்கள்களைத் தோற்றுவிக்கும்
வண்ணத்திற்கான ஆயத்தம்
இப்போது தெரிந்திருக்கும்
என் கனவுகளை வண்ணத்தால்
வடிவமைக்கும் தூரிகையையும்
களவெடுத்த வார்தையையும்.