காணாத இருபது

சப்பாத்தின் விலை
ஒன்பது தொன்னூறு
விற்பவனிடம்
வாதாடிக் களைத்துவிட்டேன்
குறையும்
இருபது சதத்திற்காய்

வாயாற முடியாது
இருந்த காலங்களில் எல்லாம்
வறுமையின் கோரத்தை போக்க
நட்சத்திரங்களை எண்ணியபடி
வயிறை நீரால் நிறப்பியதுண்டு

இது சற்றே மாறுபட்டது

ஆடம்பரம் என்றோ
ஆசைஎன்றோ
வரையறுத்து விட்டு விட்டால்
கால்கள்
தேவையற்றதாய் போய்விடும்

ஊரென்றால் பறவாயில்லை
சப்பாத்துமுள்ளும்
சாணிப் பட்டியும்
கிரவல் றோட்டும் பழகிப்போன
ஒன்று

இது சற்று மாறுபட்டது

மண்ணில் கால் படுவதே இல்லை
மாறிப்பட்டு விட்டால்
குளிரின் கோரம் ஊசியாய் குத்த
விறைத்த கால்கள் பாறைபோல் ஆகும்.

இருக்கும் பழசுகளிலும்
இடையிடையே ஓட்டை
எப்படியும் இந்தமாதம்
தாங்கும் தாங்கும் என்று
இரண்டு மூன்றுமாதங்கள்
ஓடி விட்டது.

இருந்தும்
இன்னும் அவனிடம்
இரக்க மனமில்லை
இருபதிற்காய்
இந்த மாதமும் தாங்கும்.
என் சப்பாத்து