ஈசன் அடி போற்றி

எனக்கும் உனக்கும்
ஏன் இந்த வேற்றுமை
இயங்கும் மனிதன்
இருந்தும் இறக்கிறான்

அடுத்த கிரகமும்
ஆய்வினில் வந்தது
துடிக்கும் இதயமும்
மின்கலம் இயக்குது


மனிதப் படைப்புகள்
உன்னையும் மிஞ்சுது
நீ மனிதனை படைத்ததில்
பொய்யும் புலம்புது

ஆய்வின் பாதையில்
அதிசயம் இல்லையே
ஆய்வின் உண்மையில்
ஆண்டவன் பொய்யனே

கேள்வி கேட்பதால்
ஞானமும்  பிறக்குதே
கேட்க்கப் பயந்ததால்
பொய்மையும் ஜெயிக்குதே

எல்லா மனங்களும்
உன்னிடம் திறக்குதே
எல்லா செயலையும்
மனிதமே இயக்குதே

கல்லை வடித்த பின்
கடவுளாய் தொழுகிறார்
வடித்தவன் செயலினில்
நீ ஒரு சிற்பமே

உனக்கு புரிவதாய்
வாய் மொழி ஓதிரார்
எனக்கு தெரிந்ததில்
யாவரும் மடையரே

மாதர் சூல்களில்
தீட்டினைப் பார்க்கிறாய்
உன் மாதா சூலினில்
சுழற்சியும் இல்லையா

இறந்தவர் பிறந்தவர்
குடும்பமே துடக்கென
விலக்கிடும் செயல்களில்
விந்தை தான் என்னவோ

கற்பனை கதைகளில்
வந்தவன் நீயடா
காலம் ஓடினால்
ஹரிபோட்டரும் கடவுள் தன்

எத்தனை மனிதர்கள்
இறக்கிறார் பிறக்கிறார்
உன்னை தொழும் சிலர்
கருவிலே அழிக்கிறார்

அத்தனை செயலும்
அவன் அவன் விதியே
இத்தனை  நிலைகளில்
எங்கும் நீ இல்லையே

இல்லை என்பது
இருந்ததன் எதிர்மறை
இல்லை சொல்லவும்
என் மனம் மறுக்குதே

பொல்லா உலகினில்
பொய்யனை தொழுபவர்
எல்லாம் இயங்கியும்
நடைப் பிணமாகிறார்
ப.பார்தீ