இப்படிக்கு

அன்புள்ள மகனுக்கு
ஐயா நலமா
அடுத்த மடல் எழுது
அம்மா நலம் கேட்டு

பத்து மாதம் சுமந்த தாய்
பாசத்தோடு எழுதுகிறேன்
நான் பெற்ற திரவியமே
நல்ல சுகம் நான் ஐயா


திரைகடல் ஓடியெல்லோ
திரவியம் தேடவென்று
செல்லத்தை அனுப்பிவைத்தேன்
சிதைவடைந்து எழுதுகிறேன்

சீமைக்கார துரைகள் எல்லாம்
சிறப்பாக வாழ்தல் கண்டு
சீமான் என் மகனை
சீமைச் சிறை  அனுப்பிவைத்தேன்

அடிவயிற்றில் பசி எடுத்தும்
அன்னை தட்டெடுத்து
ஊட்டமறுத்து விட்டால்
உண்ணாத் தவமிருப்பாய்

ஐந்தாறு நாள் சென்றும்
அணிந்த ஆடை எல்லாம்
அழுக்கு மணம் எடுத்தும்
அன்னை எல்லா தோய்த்திடுவன்

முழுகும் வேளையிலே
முதுகு ஊத்தைமுதல்
முன்கால் இடுக்குவரை
நான் எல்லா விழக்கிடுவேன்

அடுத்த தெரு வரைக்கும்
ஐயா நீ போவதென்றால்
அண்ணா துனண கேட்டு
அடம் பிடித்து நிற்பாய்

ஓர் நாள் பயணத்திலும்
வேரெங்கும் தங்காமல்
என் சேலை நுனி பிடித்தே
இரவுதனில்  துாங்கிடுவாய்

பட்டணம் சென்றாலும்
பணப்பெட்டி வராட்டாலும்
பெற்ற தாய் பாசமையா
பிள்ளைக்காய் ஏங்குகிறேன்

நீயிருக்கும் முகவரிக்கு
நித்தம்  எழுதுகிறேன்
நின்பதிலைக் காணவில்லை
நிம்மதி இழந்து விட்டேன்

வந்தவர் எல்லோரும்
கண்டதாய் சொல்லுகிறார்
கடிதம் வருமென்று
காகத்தை விளிக்கின்றேன்

தொலை துாரம் சென்றதனால்
தொப்புல்  கொடி
அறுந்ததாய்யா !!
தொல்லை நான் என்ன செய்தேன்

எங்கு வாழ்ந்தாலும்
நிறைவுடனே நீ வாழு
கருவளர்த்த என் வாயால்
கண் கசிய வாழ்த்துகிறேன்

முடிந்தால் பதில் எழுது
மூதேவி நான் என்று
இப்படிக்கு
பெற்றதாய்
ப.பார்தீ