காலத் தவறு

காலைக் கருவுடைத்து
கண் விழிக்கும்
கதிரவன் போல்
காதல் சுவை பயிர்க்கும்

பருவப் பயிர்களிடை
பார்வை பட்டு விட
படர்ந்த உணர் வினால்
பைந்தமிழ் வாய் காதல் சொல்ல


கால ஓட்டத்திலே
காதலது முற்றல் உற்று
கை கோத்து நடைபோட
கலியாணம் தேவைப்பட

பெற்றேரின் விருப்பபடி
பெரியவர்கள் சேர்ப்பதற்கு
பஞ்சாங்கம் பார்த்து நிற்க
பத்தும் பொறுந்தவில்லை

என்ன விந்தையிது

இரு மனங்கள் சேர்ந்த போதும்
இறைவன்  அருள் இல்லை என்று
திருமணத்தை நிறுத்தி வைத்தார்
திருவாக்கு சொல்பவர்கள்

காதலராய் வாழ்ந்தபோது
கற்பனையில் கூடுகட்டி
கணவணுடன் மனைவியாக
கண்களாலே வாழ்ந்ததினால்

மூடக் கொள்கைகளால்
முட்டிவந்த செய்தி கேட்டு
காலத் தவறை எண்ணி
காலனுடன் கைகோர்த்தார்
ப.பார்தீ