தாய்மையே சேயாகு

ஒத்த உசுருக்குள்ள
ஒரு உசுரு வந்து நின்று
நத்தை வாழ்கையாய்
நளினங்கள் செய்கிறியே

தொட்டுப் பார்க்கவா
சுகத்தை சுவைக்கவா
தட்டுத் தடுமாறி
தலை கால் தடவவா

உள்ளே இருந்து கொண்டு
ஊமைக்கதை சொல் கிறியே
வில்லாய் வளைந்து
வீரத்தோடு உதைக்கிறியே


வந்த நாள் முதலாய்
வலியோடு சுகம்தந்தாய்
பெண்டீர் யாவர்க்கும்
பெரும் பதவி தந்து நின்றாய்

உண்டி சுருங்க
உணவைக் குறைப் போர்க்கு
வண்டி பெரிதாக்கி
வலியும் தந்து நின்றாய்

காடாளும் வேடருக்கும்
நாடாளும் அரசனுக்கும்
வரும் வழி ஒன்றாக்கி
வர்க்க பேதம் போக்கி நின்றாய்

வெட்டருவா மீசையும்
வீச்சருவா வீரமும்
மட்டற்ற முழுமை பெற
வயிற்றில் நீ வந்தாயே

சொந்த சுவாசம் இல்லை
சோற்றுக்கு கடன் இல்லை
பற்றாத சொந்தமில்லை
பார் பாடு தேவையில்லை

தொப்பிள் கொடியறுத்து
தொல்லை உன்னை செய்யும் வரை
தப்பு ஏதும் செய்ய மாட்டாய்
தாய்மைக்குள்ளே நீயுறங்கு

இந்த இன்பம் காண
இறந்து நான் தரிக்கவா
ப.பார்தீ