நாடு ஆகுமே

அண்டி வாழ்ந்து அண்டி வாழ்ந்து
அடிமையாகி அடிமையாகி
கோபத்தோடு நாம்
கொடி பிடிக்கத் தொடங்கினோம்

வந்த காலம் யாவுமே
வசந்த காலம் அல்லவே
உண்ட சோற்றில் பிழை கூட
பிடிக்கும் கூட்டம் நாமடா


எதிரி கொண்ட வெற்றியோடு
எம்மில் தானே பிழை என
எமக்கு நாமே விமர்சனம்
எழுதி வைக்கும் காலமா

தவறு ஏது சரியுமேது
புரிந்து கொள்ள முடியுதா
அதை சரியுமாக்க
சிந்தை இங்கு எண்ணுதா

எருமைக் கூட்டம் பிரிதல்-கண்டு
அடித்துத் தின்ற சிறுகதை
பெருசு சொல்ல இளசு கேக்க
பெருமை கொண்ட எம்மினம்

மலையில் ஊறி கடலைச் சேர
கிளைகள் சேரும் ஆற்றைப் போல்
தலைமை சேர உழைக்கவேண்டும்
தகுதிப் போட்டி தவிர்க்க வேண்டும்

நீரை வெறுத்து கப்பல் செல்லும்
நியமம் இங்கே நடக்குமா
ஆழம் அறிந்து அலையும் பார்த்து
ஓட்டி செலுத்த வேண்டுமே

தெளிந்த நீரில் முகத்தைக் கான
வெறுத்த தில்லை நாமடா
தெளிவு செய்ய உமக்குள் போட்டி
தவிர்த்து நீரும் சேர்ந்துவா

கறையான் கூட புற்றைக் காணும்
கடுமையான உழைப்பினால்
உழைப்பிநோடு உறவும் சேர
எமக்கு நாடு ஆகுமே
ப.பார்தீ