விலை போச்சே

சிறுதொழில்கள்
சிதைவுற்று
சில்லறைகள் தாளுமாகி
பணவீக்கம் பந்தாகி
விளையாடத் தொடங்கியதே


வருமானம் வரவில்லை
வங்கி கடன் தருகிறது
தொலை நோக்கம் தவறவிட்டு
கடன்காரர் ஆகினரே

முதலீடு செய்வதற்கு
மூலதனம் கிடைக்குதென்று
சிறுதொழிலை கைவிட்டு
சீமை நோக்கி செல்கின்றார்

கிராமத்தின் அடித் தளம்தான்
பட்டணத்தின் வளர்ச்சி என்ற
பக்குவத்தை மறந்திட்டார்
பட்டணமும் பயனமானார்

ஈச்சம் செடி காய்தாலும்
இடைவெளிகள் இருந்ததுண்டு
இங்குவந்தோர் வாழ்க்கை எல்லாம்
அதனிலும் கேவலம்தான்

குடிக்கும் தண்ணிமுதல்
குந்தியுள்ள இடம்வரை
அத்தனைக்கும் பணம் கொடுத்து
உரிமையற்று வாழ்கின்றார்

இயற்கையேடு வாழ்ந்தது போய்
இயந்திரமாய் வாழ்கின்றார்
பந்தம் பாசம் சொந்தம் எல்லாம்
பணத்தோடு விலை போச்சே
ப.பார்தீ