பட்டணத்து மாப்பிள்ளை

பட்டணத்தில் மாப்பிள்ளையாம்
பெண் கேட்கச் சொல்கிறார்கள்
பேசுவது இலகு தானே
பட்டணமே மாப்பிள்ளைதான்

வெளி நாட்டு மாப்பிள்ளைதான்
வெள்ளி தங்கம் ஆகியாச்சு
தொலை துார உறவு பேண
தொலை பேசி உறவாச்சு

ஒரு மாத விடு முறையில்
ஓடி வந்தார் மாப்பிள்ளையும்
அவசரமாய் திருமணமும்
அரங்கேறி முடிந்தாச்சு

நாடு வந்த மாப்பிள்ளையோ
நாயகியின் பிரிவைப் போக்க
வீடுதனில் இனணயம் பூட்டி
விந்தையாக  காதல் செய்தார்

நீண்டகால இணையப்பேச்சு
காதலோடு கோபம் சேர்க்க
காலம் நீண்ட அமைதியோடு
கதையுமிங்கே குறுகியாச்சு

போட்ட விசா கையில் சேர
வருடம் ஒன்று ஆனதுவே
இங்கு வந்து மனைவிசேர-கணவன்
இரவுப்பகலாய் வேலை செய்தார்

வந்த பிள்ளை வாடிப்போக
சொந்தமெல்லாம் தொலைவில் ஆக
வந்த நாடும் வெறுத்துப் போக
வாடி நின்றாள் வந்த நங்கை

கணவன் வரும் வேளைக்காக
காத்து நிற்கும் பாவையிங்கே
துாங்கும்போது தனிமை போக்க
துணைக்கு சேர்ப்பாள் சுவரை இங்கே

காலம் இங்கே கரைந்து போக
கருவும் கூட குழந்தையாக
புதிய செந்தம் கிடைத்ததெண்ணி
பூரிப் போடு வாழலாநாள்

பெற்ற பிள்ளை துாக்கிச் செல்தல்
வந்த நாட்டில் அழகுமல்ல !
வண்டி தன்னில் ஏற்றிக்கொண்டு
வழி நெடுகப் பயணம் செய்வாள்

வரையறைக்குள்  வாழ்கை இங்கே
பற்றாக்குறை ஆகிப் போக
இரண்டு பேரும் வேலை போக
இடிந்து போகுது குடும்பம் இங்கே
ப.பார்தீ