பழமெனும் நிலையில்
மாற்றம் காணும்
முற்றிய விதைகள்
மீண்டும் எழும் விருட்சமாய்
இயக்கவியலின்
இருபக்கங்களையுணராத உலகு
தோல்வியைப் புதிய வெற்றியின்
தொடக்கமாகக் கொள்வதில்லை
தீயைத் தீண்டி விலகிய கரங்கள்
வெப்பத்தைப் பகைப்பது
சூறாவளிக்கஞ்சி
சுவாசத்தை மறுப்பதுக்கொப்பாகும்
அனுபவங்கள் சிறந்த ஆசான்
இழந்தவை புதிய தெரிவை
ஆரோகியமானதாக்கும்
பயணப்பாதை
எல்லையற்ற வாழ்க்கையில்
ஒன்றின் முடிவில்
பிறிதொன்றைத் தோற்றுவிக்கும்
நாளையென்பது என்றும்
கேள்விக்குறி
இன்றைய பொழுதை
சரியாக செயற்படுத்தாதவரை
ப.பார்தீ
No comments:
Post a Comment