எங்கள் மரணங்கள்

அவர்கள் முகங்கள் கிழிந்து
சாட்சிகள் போராளியாக்கப்படும்போது 
அதன் 
பூகம்பத்தில் இருந்து
புதிய தேசத்தின் பரிநாமம் பிறப்பொடுக்கும்


சல்லடையாக்கப்பட்ட
பிஞ்சுகள் சப்பித் துப்பிய
இனிப்புதுண்டின் 
தேச பக்தி
காந்தியில் கோலைப் பிடுங்கட்டும்

யூதன் கடன் கொடுத்துக் கவர்ந்த தேசத்திலும்
கார்மால்க்ஸ் விதைத்த 
சமதர்மத்திலும்
ஒரு வெற்றிக்கு
எத்தனை தோல்விகளின்
விதைகள் என்பதை உள்ளம் உணரட்டும்

ஓடும் இரத்ததில்
எதிர்ப்பு இல்லாத உணர்வும்
அடைந்தபின் விவாதமே வளர்ச்சி என்பதையும்
பரந்த உள்ளங்கள் 
நினைக்கட்டும்

இனியும் சாகோம்- என
புதிய பிறப்புக்கள் விழிக்கட்டும்
அவர்கள் புன்னகையில் 
எங்கள் மரணங்கள்
மகிழட்டும்
ப.பார்தீ