புதுமை செய்வோம்

தை முதல் நாள்
கிழிக்கப்பட்ட நாட்காட்டி யில்
உழவர் திருநாளுடன்
புது வருடத்துடன் பிறக்கட்டும்

பொங்கி வடிந்த
பொங்கல் நுரையுடன்
எங்கள் துன்பங்கள்
ஓடி ஒழியட்டும்

தித்திக்கும் தேனினும் இனிய
பொங்கல் இத் திரு நாளிளாவது
உழவனை எண்ணிப் பாடட்டும்

வண்ணத் தோரணம்
வாழையிலை பரிமாற்றம்
இன்னும் இயற்கைதான்
உயர்ந்தது என்று உணர்த்தட்டும்

சூரியனுக்குப் படைக்கப்படும்
பொங்கல் அவன் உண்ணாவிடினும்
பண்பாட்டோடு நன்றி சொல்லும் பழக்கத்தை
எம் பரம்பரைகள் அறியட்டும்

எல்லா வீட்டிலும்
பொங்கல் செய்யினும்
பகிர்ந்து கொடுத்து உண்டு
காக்கையை மிஞ்சி விடும்
ஒற்றுமை ஓங்கட்டும்


வெடிக்கப்படும் பட்டாசுகள்
கால ஓட்டத்தில்
எம் கலாச்சாரம் கலந்ததை
உணர்த்தட்டும்


தை பிறந்தால் வழி பிறக்கும
பழமொழியை புதுமை நோக்க
பொங்கலோடு புதுவருடம்
போற்றி நாமும் புதுமை செய்வோம்
ப.பார்தீ