அதிசய வாசலில்

உன்னதமான
உலக அதிசய கோபுரத்தின்
அடிவாரத்தில் இருந்து

உன்னை தொடும்
தூரம் வந்தும்
தொடமுடியாமல் தவிக்கும்
கரங்களின் சொந்தக்காரன்

அதோபார்
அதிசயக்கோபுரம்
ஆகாயம் தொடும் உயரம்
அழகை இரசிக்க ஆயிரக்கணக்கில் மக்கள்


எல்லாம் இருந்தும்
ஏழ்மைவாசம்மட்டும்
உன்னை நெருங்குவது இல்லை
ஏனோ நானும் அங்கே

உன்னை இரசிக்க வருபவர்களுக்கு
என் கண்கள் கிடைத்திருந்தால்
இரும்புக் கம்பிகளுக்கு
இல்லாது போயிருக்கும் பிரமாண்டம்

உன் அடிவாரத்தில்
உன்னையும் விற்பனை செய்து
சம்பாத்தியம்

அதிசயம் என்று உன்னை
வரையரை செய்யாவிட்டால்
நீயும் ஆதாயமற்ற
கோபுரம்

அட
அன்று உன்னிடம் வந்திருந்தால்
நானும் நீயும் ஒன்றல்லவா

ஒன்றை மட்டும் புரிந்துகொள்
உலகம் உழழாவிட்டால்
உனக்கும் எனக்கும் வெளிச்சமேது

இரண்டு பக்கங்களில்
ஒன்று விழுவது எழுமாறே
மற்றைய சுழர்ச்சியில்
மாறலாம்
ப.பார்தீ