அடையாளம்

அந்த தேசத்தை விட்டு
பிரிக்க முடியாத நீங்கள்
எங்கிருக்கிறீர்கள்

ஓய்வும் விடுதலையும்
மனிதனுக்கு தேவை என்றால்
நீங்கள் மனிதன் அல்லவே

நீங்கள் வைத்திருந்த உறுதியும்
நம்பிக்கையும்
எங்களுக்கு சொல்லித் தாருங்கள்


உங்கள் தத்துவத்தை
அடைவதாகச் சொல்லி
எல்லாம் தொடங்கியவர்கள்
சிதைத்துக் கொண்டே போகிறார்களே

வழிகாட்டலுக்கு உறுதியில்லாத
அவர்கள் நடைமுறைகள்
எதிர்காலத்தை சிதைக்கப் போகின்றதே

பார்த்து பார்த்து நீங்கள்
செதுக்கிய சிற்பம்
பாதுகாப்பார் அற்று பாழடைகிறதே

எதிர்காலத்திற்காக
நாங்கள் எங்கள் முகவரியை
தேடுகின்றோம்

உங்கள் பேரின் பின்னால்
நின்று
எங்களைப் பேரம் பேசுகிறார்களே

தேடாதே உருவாக்கு
என்ற உங்கள் தத்தவத்திற்கு
மீண்டு விட்டோமா?

உங்கள் வருகையால் தான்
எங்களை மீண்டும்
காண்போம் அடையாளம்
ப.பார்தீ