நகர வாசல் அடைக்கப்பட்டு
இறக்குமதி செய்யப்பட்ட
அலங்காரங்களில்
ஊற்றாகிப்போன மூடப்பழக்கங்களுடன்
மூன்றாம் உலக யுத்தத்திற்கு
தயாரான குண்டுகள் போல்
குவிக்கப்பட்ட தேங்காய்களுக்கு
பத்திமுலாம் பூசப்பட்டு
புனிதம் என்ற சொல்லுடன்
வீதியில் குவிக்கப்பட்டிருந்தது
என்றோ ஓர் நாள்
இயற்கைக்கு புறம்பான
உருவத்ததோடு கூடிய
அந்த சிலை ஏற்றப்பட்ட
ஊர்திக்கு சக்தி கொடுக்க
மனிதர்கள்
எல்லாம் சத்தி மயம் என்று எண்ணி
வீதியில் விழுந்த நீரினை
கண்ணில் ஒற்றும் காட்சி
பார்வையின் உண்மைத் தன்மையை
கேவலப்படுத்தியது
பசியின் உணர்வை மறந்த வயிருகள் எல்லாம்
இலவச சோற்றுக்கு
இன்னும் பைகள் நீளாதா
என்ற எக்கத்தில்
முண்டி மோதியது
விசித்திரமான காட்சிக்
சாம்பல் நிறப்பப்பட்ட
சட்டியில் தீச் சுவாலை
பருக நீர் இல்லாத வறுமையில்
உலகம் வாடும்போதும்
செம்பு நிறைந்த பால்
பாழடிக்கப் படுகின்றது
எல்லாம் அவர்கள் செய்தும்
அவனுக்கே போகுதென்பார்
ஓர் சொல்லில்
இனும் அந்தக் காடசிகளில் இருந்து சிலிர்த்தெழாத
மனச்சாட்சிகள்
அடுத்த வருடத்திற்கு
அடிக்கல் இட்டு
தங்களை புனிதராக எண்ணி
மீண்டும் மீணடும் உணவின் நடுவே
நஞ்சை விதைப்பர்
6ம் அறிவு இருந்து என்ன பயன்
ப.பார்தீ
No comments:
Post a Comment